Begoña Caamaño

“Begoña Caamaño” é un proxecto editorial único, deseñado especificamente para que as nosas escolas celebren e descubran a figura de Begoña Caamaño, autora homenaxeada nas Letras Galegas 2026, unha experiencia visual e pedagóxica a toda cor que percorre, ao longo das súas 44 páxinas, a vida, a obra e a acción social dunha das voces máis singulares e necesarias da nosa literatura do século XXI.

A través dos textos de Icía e Xosé Manuel Varela e as evocadoras ilustracións a dobre páxina de Nerea Gómez, o alumnado poderá mergullarse: Na pegada vital da autora: Desde a súa infancia no Calvario e a súa formación, ata a súa faceta como xornalista de radio e prensa e o seu incansable activismo social. Nos recursos didácticos integrados: O libro inclúe mapas do mundo grego e da Materia de Bretaña, así como redes de personaxes que facilitan a comprensión das súas grandes obras, Circe ou o pracer do azul e Morgana en Esmelle. No legado de actualidade: Outros capítulos amósanos a presenza viva e actual do legado da autora das letras como foi a homenaxe Begoñísima ou a mención ao seu premio homónimo que permiten traballar na aula valores como a igualdade, a sororidade e a memoria histórica. Escoller este libro para o centro supón dotar á biblioteca dunha peza de coleccionista que combina o rigor informativo coa beleza estética. É a ferramenta ideal para que o alumnado conecte emocionalmente cunha muller que soubo viaxar polas nosas raíces para explicarnos o mundo contemporáneo.