Ferrol, 1964. Profesor de profesión e escritor de vocación, foi gañador da II, IV e XVI edición do Certame Carvalho Calero coa novela Mar para todo o sempre (1992) e os conxuntos de relatos Sobre comboios, janelas e outras pequenas historias (1994) e Unha mada de doce relatos (2008). Foi finalista no I Certame de Relato Curto da A. C. Cidade Vella (1989) con Ruiva mulher de esperança e participou nos volumes Longa lingua (2002), Os contos da Mesa, Seis ferroláns (Edicións Embora, 2003) e no dos Premios Pedrón de Ouro Modesto R. Figueiredo (2008). A novela Os desherdados (2006), e o ensaio Ferroláns na Historia da Literatura Galega (2007), ambos en Edicións Embora, son as súas últimas obras publicadas.

Esta web utiliza cookies, puedes ver nuestra la política de cookies aquí Si continuas navegando estás aceptándola
Política de cookies +