Un dos xéneros que máis gusta aos primeiros lectores é o dos temores e o seu tratamento, reflexo dos seus propios medos infantís. Así, Ana Fernández escolleu unha historia con arrecendos de conto clásico protagonizado por un simbólico personaxe, o Mediomedo que dá título ao libro. O desexo do pequeno medo de tratar de asustar aos nenos, cousa que non fai, lévao ao Castelo da fada Medruxa a que lle ensine a asustar de verdade. Despois de varios intentos fracasados, Mediomedo provoca tal temor que os nenos que xogaban no parque xa non volven máis e os seus país fan que a policía atrape ao terrible personaxe. Xa, na cadea, só o acaba salvando a doce compaixón dunha nena que lle fai caer na conta de que é mellor rir que asustar.