Os episodios que aquí se relatan –uns pintorescos, algúns lendarios, outros románticos– sitúannos nas últimas décadas do século XIX e primeiras do XX. Este libro recolle unha selección dos máis de seiscentos artigos que o autor foi subindo ao seu blog deferrolparaelmundo.blogspot.com.es baixo o título xenérico de Acotaciones de un ferrolés. O criterio de selección é puramente subxectivo. Seleccionáronse aqueles capítulos da historia ferrolá que, sen ter especial relevancia, espertaron a curiosidade do xornalista en busca da anécdota ou da crónica local menos coñecida. Estas circunstancias deberán facilitar unha lectura rápida e cómoda.