Guillermo Llorca e Juan J. Burgoa coordinan este traballo no que fan un percorrido pola historia e o patrimonio de Ferrol Vello. Nel se inclúen artigos sobre a historia medieval e moderna do barrio, sobre a antiga igrexa parroquial de San Xulián e sobre as súas rúas e prazas, así como as súas festas e tradicións. A historia das instalacións portuarias, das súas lanchas e embarcacións, ou do seu patrimonio industrial, entre outros temas, completan as páxinas deste libro.

En Homenaxe a Ferrol Vello participan os escritores: Pilar Blanco, Ana Martín, Rosa Méndez, Alfredo Alcalá, Jorge M. Deza, Fernando Dopico, Justino Fernández Negral, Eliseo Fernández, Bernardo Máiz, Alberto Moreno-Bermúdez, Álvaro Porto e Juan A. Rodríguez-Villasante, ademais dos pintores Juan Rodríguez Soto, autor da portada e contraportada do libro, e Julio Ferrín, autor das diferentes ilustracións dos lugares emblemáticos do barrio.