Defensa de Ferrol en 1800

Asegura o autor na dedicatoria deste libro, publicado orixinariamente en 1900 polo diario local El Correo Galego, que o seu traballo “satisface a dobre necesidade dun esquecemento e un recordo: esquecemento para os recentes desastres da Patria (estaban ben frescos na cidade os resultados da Guerra de Cuba de 1898) e memoria para o pobo no que nacín e honroume cunha simpatía que quixera merecerlle”.

A obra é, efectivamente, unha homenaxe á cidade que soubo defenderse dun ataque naval sen precedentes na súa historia. Baseado nos datos da propia Armada española e a prensa da época, o libro de Fort permite revivir a Batalla de Brión ata nos detalles máis insignificantes.