Nariz vermello

Nariz vermello é unha historia sinxela e divertida, que non busca ser educativa, senón simplemente entreter nese espazo que fai equilibrios entre a realidade e a ficción.

Unha avoa relata á súa neta unha antiga historia familiar, de cando o seu avó amolou a un trasno que vivía na súa casa ao non saber coidalo. E deixa a porta aberta a se o trasno segue acompañando á familia ou non. Quizais está instalado agora na casa da nena, que terá que coidalo se non quere ter que aturar as súas bromas, quizás cambiou para a casa do lector que ten o libro entre as mans. A ficción pode traspasar as páxinas.