Nesta historia, un grilo moi cantareiro comproba un día que non é quen de cantar, porque das súas ás non sae cric, cric ningún, e busca axuda entre os seus compañeiros do mundo natural. A abella empréstalle a dozura do seu mel, a vaca o seu leite e a bolboreta a alegría das súas cores. Tamén colaboran a xoaniña, a cabra, o saltón, a ovella, a galiña e o cabalo, mais a boa intención dos seus compañeiros non fai cantar ao grilo. Pero vai haber solución, e o grilo volverá cantar.