Este libro recolle a particular visión do grupo de xornalistas que compartiron cos xogadores e o corpo técnico do Celta a tempada 2016/2017, na que o equipo vigués alcanzou, por primeira vez na súa historia, unhas semifinais europeas.

Os xornalistas, dende un punto moi persoal, e seguindo o fío condutor do autor, dan boa conta das experiencias vividas xunto ao grupo de futbolistas que pasearon o nome do RC Celta por Europa, xerando os eloxios de medio continente, e relatan en primeira persoa como viviron aqueles meses de viaxes, fútbol e, sobre todo, moitas vivencias irrepetibles.