De todos os personaxes extravagantes, lunáticos e disparatados que son e foron no mundo o autor congrega nestas páxinas a flor e nata, compoñendo  un singular retablo onde, sempre baixo a óptica do humor, dá noticia da súa particular peripecia vital. Deste xeito, relátase  a figura de homes e mulleres da máis variada especie, profesión e devoción, que admitan a etiqueta de raros e curiosos. Este libro faise eco de toda sorte de  estrafalarios músicos, excéntricos literatos, heterodoxos científicos e  un longo e atípico etcétera, para conformar unha selección co obxectivo de representar a todos aqueles e aquelas que se afastaron en maior ou  menor grao do que se deu en chamar normalidade.