Mamá Carme

Nada hai que cale máis fondo nos oídos dunha nena que as palabras da nai. Palabras que envolven contos e relatos, cancións e historias, vidas, desexos e esperanzas. Desde cantares de cego ata contos infantís, a súa nai foi enchendo os oídos da autora día a día, con historias de fantasía e historias reais. Historias matizadas polo recordo e recuperadas no tempo que leva desandar o camiño do crecemento cara ao recoñecemento; historias que hoxe se amontoan puxando por saír, por revivir as vidas das mulleres que precederon a nosa época. Mulleres reais, extraordinarias na súa normalidade, aventureiras do cotián, loitadoras polo seu presente e polo noso futuro.