Este libro recolle as cartas recibidas por Xosé Neira Vilas ao longo de toda unha vida de personaxes como Arturo Cuadrado, Santiago Álvarez, Luis Soto, Ramón de Valenzuela, García-Sabell, Carlos Casares, Pura e Dora Vázquez, Ricardo Palmás, Victoriano Taibo, Eduardo Moreiras, Reimundo Patiño, entre outros. E ademias, vintecinco mensaxes "de fóra", é dicir, procedentes de diversos países de Asia, Europa e América (filólogos, historiadores, antropólogos, poetas...)

Esta correspondencia conforma un abano moi variado de temas, unha colectánea de noticias, proxectos, indagacións, todo relacionado con Galicia, motivo central e diverso deste ir e vir epistolar mantido, as máis das veces, por enriba do Atlántico.